Wilhelmina Maria Filomina
Aviso di Morto
Gradisimentu i Invitashon
Yunan, nietunan, rumannan, subrinu(a)nan i demas famia di defuntu
Wilhelmina Maria Filomina
Mihó konosì komo Sol, Mina òf Chichi
Ta gradisí tur famia, konosínan i bisiñanan, Dòkter Q. Leito i Fundashon Wit Gele Kruis "Prinses Margriet", ku a mustra atenshon i kombibensia na bida, ora di morto i entiero di nos defuntu stimá. Danki muy espesialmente ta bai tambe pa Pastor Fernando Mion, miembronan di Kor "A Touch of Spirit", miembronan di grupo Litúrgiko "P.UK" (Perseverando den union ku Kristu), miembronan di grupo Evangelisashon Parokia "La Birgen Milagrosa", Sur Amanda, Broeder Jose di grupo di Orashon "Legion di Maria", miembronan di Club Margarita i 'last but not least': Staf i personal di El Consolador.
Danki di kurason na tur hende ku a sostené nos durante e bishitanan di kondolensia na kas, tur ku a manda Krans, tarheta, yamadanan di telefòn, mensahenan di kondolensia via WhatsApp, Facebook i otro medionan sosial. Boso atenshon i orashonnan tabata un gran sosten i konsuelo pa nos i ta duna nos forsa ku poder di Dios pa sigui pa dilanti.
Alabes nos ta partisipá ku ta bai tin un Santu Sakrifisio di Misa pa deskanso di alma di nos defuntu riba Djasabra 27 yanüari 2024 pa 6.30 pm na Misa di Buena Vista "La Birgen Milagrosa".
Aseptá esaki komo un invitashon personal.
Rayla Granviel
Ku Dios duna henter famia forsa pa ku e perdida aki. Especialmente Norris Filomina. Ku su alma sosega na pas🙏🏼
C.N. Norris Juliana (Filomena) Filo
Amen Rayla! Danki pa e sosten
Famia Henriques
Deskanso ku Chichi sosega na pas.Forsa na henter famia.
Yoyceline Juliana
Amèn! Famia Henriques, masha danki pa kompaña nos. Forsa i konsuelo pa boso tambe.
Sahaira Laken
Descanso