MERKA.- Wiz Khalifa su homenahe ‘See You Again’ pa Paul Walker den ‘Furious 7’ a surpasá “Psy” su ‘Gangnam Style’ i dje forma ei tin e título di e video mas mirá riba YouTube. E video ku ta sirbi komo un tributo na Paul Walker den kua bo por mira diferente esena di e artista defuntu den e pelíkulanan di ‘Fast and Furious’ a logra di atraé mas ku 2.897.575.000 views. E video aki a keda lansa den luna di aprel di 2015. ‘Gangnam Style’ tabatin e título di e video mas mirá riba YouTube pa kasi mitar dékada, siendo e promé video ku a surpasá 1 bion di views, djis algun luna despues ku el a keda lansa 15 di yüli 2012. Pero no spera ku Wiz Khalifa lo mantené e rèkòrt aki pa un tempu largu. ‘Despacito’ di Luis Fonsi tin kasi 2.5 bion views den solamente 5 luna despues ku el a keda lansá i tin tur posibilidat di surpasá ‘See You Again’ den un korto tempu. Resientemente YouTube a anunsiá ku e tin 1.5 bion di usuario ku mensualmente ta mira mas ku 1 ora pa dia di video riba un òf otro ‘mobile device’.