WILLEMSTAD.- Den fin di siman a tuma lugá ‘WOKE Music Conference 2019’ na PWFC, un konferensia ku ta kubri tur e diferente fasetanan di músika ku diferente workshop i pènel.
E konferensia a konta ku 20 orado lokal i internashonal manera Randal Corsen, Dibo D, Chris Strick, Menasa, Url Isenia, Chaika, Nataly Antonia Petronia kendenan a pasa nan konosementu pa e partisipantenan.
E konferensia a konta tambe ku presentashon di 6 orado di Ulanda ku ta afiliá na diferente kas diskero grandi di e industria di músika ulandes, manera Sony, Van Klasse, Trifecta, Artsound i Cloud 9.
Durante di WOKE Music Conference a lansa e plataforma di ‘streaming’ di Karibe ‘TrackDrip’, kaminda artistanan lokal porfin lo bai risibí un entrada for di nan músika pa medio di ‘streaming’. ‘TrackDrip’ ta optenibel pa i-Phone i Android riba Apple app store i Google Play store.
WOKE Music Conference definitivamente un bon inisiativa pa alsa e músika di Kòrsou.