LONDON, AP.- Un wòlf a skapa na Gran Bretaña djaweps, meimei di bientu fuerte, kousando pániko den e komunidat ora el a wòrdu rekapturá.
Inisialmente, testigunan a bisa ku e bientunan un waya di Wolf Conservation Trust serka di Reading, 73 kilometer na wèst di London, pero un funshonario di e lokal a bisa ku tur kos ta indiká ku un hende a habri e trali.
E wòlf yamá Torak tabata los pa mas di sinku ora i a obligá outoridat pa sera un skol i pidi habitantenan pa mantené alehá di e bestia di nan wak e.
Teresa Palmer, fundadó di e lugá, a bisa ku e wòlfnan semper ta warda den nan kouchi. El a relatá ku el a risibí un yamada djaweps, indikando ku e animal tabata den un sendero den entrada di e lugá, i ku dor di investigá, nan a mira ku e porta a wòrdu habri.
Palmer a bisa ku Torak tabata spanta pero ku eventualmente el a wòrdu guia, sin mester a usa trankilisante.
“E echo ku el a krusa un kampo yen di karné a mustra ku e no ta un peliger. Pero awor el a bolbe bek su kas i tabatin su ratu di libertat”, asina e funshonario a komentá.
Palmer i su kasá, awor defuntu, a funda e instalashon pa protekshon di wòlfnan mas di 20 aña pasá.
