WILLEMSTAD.- Kim Brown Models ta ofresé lès di modelá na mucha i hende grandi.
Pa e fakansi aki KBM a disidí di hasi algu ‘leuk’ pa mama i yu. Kaminda nan por pasa tempu huntu i na mes momentu hasi algu ku tur dos lo haña leuk.
Den e workshop Kim lo siña tantu mama komo yu kiko e stapnan básiko di modelahe ta, kon pa ‘pose’ pa portrèt i riba pasarela.
Tambe lo toka e tema di postura, kaminda lo train e mama i yu kiko tin ku hasi pa tin un bon postura ora di sinta i ora di presentá sea na skol òf na trabou.
E workshop ku ta tuma lugá djasabra 15 di yüli i tin un durashon di 3 ora. E kontribushon pa bo partisipashon ta inkluí algu di bebe, portrèt pa rekuerdo i un sertifikado pa mama ku yu di nan partisipashon.
Chuki Dance & Body Shape lo ta e sitio pa e workshop i ta pidi tur hende ku ke registrá pa hasi esaki via kimbrownmodels@gmail.com òf via e página di facebook Kim Brown Models.