WILLEMSTAD.-  Djabièrnè último a tuma lugá e koronashon di Xhilienne Nivillac komo ‘Miss Teen H2O Curaçao Ambassador’.
Xhilienne ta e terser finalista di Miss Curaçao Teenager 2017 ku ta kai bou di frankisia di IBFF.
E evento a sirbi tambe pa di un forma ofisial ‘Happy Teen Foundation’ tuma e partisipante for di e organisashon di IBFF i dje forma ei bira ‘National Director’ di Xhilienne pa loke ta trata su partisipashon òktober próksimo den e sertámen internashonal di ‘Miss Teen Bikini International - H2O Ambassador’.
Happy Teen Foundation ta aktivo durante henter aña riba diferente tereno semper ku e hóben komo parti sentral. Pa e motibu aki nos enfoke den nos logo tin komo meta pa yuda spesialmente hóbennan realisá nan soño. Den e kaso aki, lo realisá  soño di Xhillienne ku lo representá Kòrsou den e sertámen internashonal.
E sertámen di ‘Miss Teen Bikini International - H2O Ambassador’ ta un kompetensia ku ta enserá konsientisashon di uso di awa. Potrèt pa kortesia di www.eso-cur.com. Bishitá www.extra-v2.mystagingwebsite.com pa bo tuma nota di mas potrèt relashoná ku e evento aki.