WILLEMSTAD.- KrezD Music ta kontentu pa anunsiá e lansamentu di e cover pa Pasku titulá ‘Hark! The Herald Angels Sing’, kanta pa Harlianne ‘Yentje’ Silvanie.

Apesar ku nos tur ta pasando den tempunan difísil KrezD Music ke rekordá bu ku nos a drenta temporada di Pasku. Laga pa e kansion aki yena bo kas i bo kurason yen di alegria durante e temporada aki di Pasku.

E kansion ta un produkshon di KrezD Music ku Marlon ‘Lonte’ Conradus riba drùms, Redyson ‘Redy’ Zink riba bas, miéntras Christoffer Daniel Walle a toka keys i hasi e areglo nobo.

Grabashon di bos, mix i masterisashon a tuma lugá na Production City di Michael Bianchi.