WILLEMSTAD.- Den luna di mei último, e kas di produkshon Decoded a produsí Harlianne ‘Yentje’ Silvanie pa promé biaha. Na e okashon ei a reprodusí Common (originalmente di Alicia Keys) i Let Me Love You (originalmente di Justin Bieber) den un ‘mash-up’ ku a resultá masha bon mes.
Di akuerdo ku e kas d produkshon no tabata difísil pa buska un estilo pa e kantante, ya ku e mes tin esaki bon definí. Harlianne ‘Yentje’ Silvanie ta un artista ku por habri su mes pa eksperensianan nobo den farándula; den e kaso aki,  ‘Plegaria’ ta un klásiko ku no tin mester di niun introdukshon.
E ‘twist’ ku a duna e kansion klásiko di Chin Behilia ta dun’é un asento nobo den e género musikal Neo Soul. Christoffer Wallé i Harlianne Silvanie a hasi e reprodukshon, miéntras e meskla final i ‘mastering’ a wòrdu hasí dor di Efrem Mambi.
E kas di produkshon ta manda un danki di kurason na sr. Chin Behilia ku no a duda niun momentu pa laga ‘Yentje’ interpretá e klásiko kansion ku ta personifiká lucha, pensamentu, sakrifisio i speransa pa futuro di ken ku skuch’é. Tambe un danki na músikonan Marlon Conradus i Redyson Zink, tambe na  ArtCave, Francis Sling i HITZ pa nan kolaborashon balioso.
Solisitá ‘Plegaria’ interpretá pa Harlianne ‘Yentje’ Silvanie na bo radio-emisora preferí. Suskribí grátis na SoundCloud, DecodedOfficial i sigui artistanan di Decoded via di nan YouTube Channel i página di Facebook di Decoded. Tambe por stream riba iTunes/ Spotify/ Tidal/ Apple Music. Por mira e videoclip di ‘Yentje’ kantando ‘Plegaria’ riba e kanal di Youtube di Skempi.