WILLEMSTAD.- Despues di nan periodo di prueba awor si hubentut por bisa ku nan tin un agrupashon musikal di i pa hubentut.
YMG ta un banda hopi gusta i baila bou di nos hóbennan. Mayoria di nan fiestanan ta yena.
Awor a yega ora pa nan di dos kansion promoshonal keda lansa. “Kere den Mi” ta un komposishon di Rigshendeley Mauricia i Michelangelo Martina. Richenel Mauricia jr. ta esun ku tabatin e areglo na su enkargo.
Ta bon pa bo sa ku kompositor i areglista ta músikonan ku ta forma parti di YMG mes.
E siguiente presentashon di YMG lo ta djadumingu awor, 30 di aprel den Elevate pa despues e banda tuma un fakansi chikí di tres siman, esaki debí ku e periodo di eksámen ta bai kuminsá i tur hóben lo tin ku dediká nan mes pa terminá nan aña eskolar ku éksito.  Komo banda di hubentut nan mester ta un ehèmpel, e músikonan tambe tei hasi lo máksimo pa terminá e aña eskolar ku éksito i dje forma ei ta un ‘role model’ pa nos hóbennan. Disfrutá di “Kere den Mi”.