SPRINGFIELD, MASSACHUSETTS, MERKA, AP.- E yu di un kapitan di polis di Boston a wòrdu sentensiá djárason na 20 aña di prisòn, akusá di plania un atake kontra un universidat pa sostené e grupo Estado Islámiko.
Alexander Ciccolo, yu hòmber di e kapitan di polis Robert Ciccolo, a wòrdu sentensiá den un tribunal federal di Springfield.
E desishon di e tata pa alertá FBI riba e kondukta di su yu “probablemente a salba hopi bida inosente”, asina fiskalnan a bisa.
E hóben a deklará kulpabel di terorismo den mei, un luna promé ku su huisio a kuminsá.
Fiskal ta bisa ku Ciccolo tabatin un lana pa usa arma i bòmnan kontra un universidat ku segun su abogadonan tabata New Mexico State University.
Harold Shawm agente di FBI na Boston, a bisa ku Ciccolo tabata “un sòldat fiel” di EI ku tabata deseá di mata hendenan inosente.
E abogadonan di e hóben a bisa ku e tabatin un infansia problemátiko i tabata drogadikto. Nan a agregá ku en realidat, Ciccolo no ta kapas di kumpli su plannan.