SEATTLE-Bispu di aña nobo notisia ta sali ku e picher hapones, Yusei Kikuchi, a yega na un akuerdo ku e ekipo di Seattle Mariners. Ayera mas informashon tokante e akuerdo aki a sali na kla I segun detayesnan e akuerdo aki ta poko uniko ku inisialmente tres aña na balor di 43 mion dòler plus un opshon pa di kuater na balor di 13 mion dòler pa temporada 2022. Pues ku e picher por opta pa bula for di su akuerdo despues di tres aña. E otro parti uniko ta ku e opshon aki por keda remplasa pa un kuater aña adishonal pa 66 mion dòler komo ekstenshon di e klup kual por hasi e akuerdo total shete temporada largu. E picher di 27 aña tabata un di e habridornan mas kotisa komo agente liber. E tabata tin te awe pa firma ku un ekipo. Den ocho temporada den liga hapones Kikuchi tabata tin un marka di 74-48 ku un ERA di 2.80. E ta figura un rekta ku velosidad medio 90 mia pa ora I un tremendo slider segun reportahenan.