WILLEMSTAD.- Zarah Lacruz ta  konkistá e título máksimo di Mini Beauty International 2018. E sertámen a tuma lugá ayera tardi den Atrium di Renaissance Hotel Curaçao.
‘Edukashon, Dibertishon i Beyesa’ tabata e enfoke prinsipal pa e kandidatanan ku tabatin entre 6 i 10 aña di edat. Nan a wòrdu prepará pa dos luna largu pa siña kon pa usa nan beyesa infantil pa trese mensahenan positivo na nos muchanan di Kòrsou. E sertámen tabatin komo tema ‘African Voyage’.
Ashley Sanchez a konkistá e puesto di promé finalista i Ayannah Meyer a resultá e di dos finalista.
International Beauty & Fashion Foundation (IBFF) ta hopi satisfecho ku e éksito di e evento i tin komo meta pa sigui usa e mundu di beyesa pa eduká nos muchanan i duna nan un base fuerte pa yega na máksimo di nan kapasidatnan.