KIEV, UKRANIA, AFP.- Presidente ukraniano Volodymyr Zelenskyy a bisa djaluna ku e ta spera di haña status di kandidato di Union Europeo “den algun siman”, i a gradisí Bruselas pa rapides di e proseso.
Den un enkuentro na Kiev, Zelenskyy a transmití dos ekspediente u ta kontené demanda pa Ukrania bira miembro di Union Europeo.
“Nos pueblo, su interior i su alma, ya ta mentalmente den Europa ya pa hopi tempu kaba”, asina el a afirmá.
Normalmente, e status di kandidato di UE ta “tuma algun aña”, pero Bruselas “a duna nos a oportunidat pa efektuá e prosedimentu aki den algun siman òf luna”, asina Zelenskyy a bisa.
Un integrashon den UE ta un proseso largu, ku ta rekerí negosiashonnan kompliká riba hopi tema i kriterionan difísil di respetá pa un pais ku ta den guera, manera stabilidat polítiko i un ekonomia di merkado viabel.
