REPUBLICA DOMINICANA.- Siman pasá a tuma lugá na Bayahibe, República Dominicana e promé edishon di ‘Beauty Queens 2018’ kaminda Kòrsou a keda representá pa 4 beyesa bou di guia di IBFF.
For di momentu ku e representantenan di Kòrsou a yega nan a sa di marka e diferensia durante henter e siman i djasabra anochi esaki a keda reflehá den e resultado dje tremendo sertámen aki.

PREMIASHON
Den kategoria ‘Teen’, Jaysa Doorje, segundo finalista Miss Curaçao Teenager 2017, a gana e título máksimo. Den e kategoria ‘Miss’, Kimberly Fernandes, semi finalista Miss Curaçao Teenager 2017, a gana e título máksimo.
E sertámen a skohe tambe un ganadó apsoluto di tur e elekshonnan, pues esun ku tabatin e máksimo puntuashon den tur kategoria. E ganadó apsoluto a resultá Zoe Daal di apénas 9 aña di edat kende a gana tambe e premio pa ‘Mihó trahe Fantasia’, un kreashon di David Meyer den kolaborashon ku gruponan di Karnaval, Estreno di Pikete i Dushi Aventura.
IBFF, e lider máksimo den Sertámen di Beyesa ku un rekòr di 101 título máksimo!.