WILLEMSTAD.- E representante di Sur Afrika, Zozibini Tunzi, 26 aña, ayera nochi a keda koronákomo Miss Universe 2019. E modelo di e siudat Tsolo, ta un aktividat kontra di violensia di género. Miss Puerto Rico, Madison Anderson a keda eligí komo promé finalista i Miss Mexico, Sofia Aragón a resultá e di dos finalista.
Tunzi a terminá su estudio ‘Public Relations Management’.
Su ponensia na final dje sertámen di Miss Universe 2019: ‘Mi a krese den un mundu kaminda muhénan ku tin aparensia manera ami, ku mi koló di kueru, ku mi tipo di kabei nunka ta ser konsiderá bunita i awor ta ora pa e kambio. Mi ke pe muchanan ku mira mi, mira mi kara i mira nan kara reflehá den esun di mi’, a resultá e punto ku definitivamente a elevá su mes for di sobrá kandidatanan.