WILLEMSTAD – No a dura masha ku e barku di Marina Hulandes Zr.Ms. Groningen a bolbe kanta un bingo. Despues ku den luna di yüni tabatin dos intersepshon grandi di droga di 600 kilo di kokaina, awe mainta un biaha mas a stroba trafikantenan. Tabata awe mainta Zr.Ms. Groningen a mara na Mathey Werf unda el a bin deskarga un kantidat grandi di droga. Reporteronan Di EXTRA ku tabata presente tabata testigu di kuantu bulto di droga tabata bahando for di barku i poniendo esaki nan den vários vehíkulo einan. Tabata baha e bulto nan ku kran for di e barku Zr.Ms. Groningen. Vários departamento di Kuerpo Polisial tabata presente pa bou di un seguridat bai transportá e droga pa Warda di Polis na Rio Canario. Tabata presente Tim di Aresto, Divishon Anti Krímen Organisá i Wardakosta. Tabatin mester di sigur tres trùk pa transportá e bulto nan pa asina bai pisa esaki nan i ku tur probabilidat bai kima nan awe mes.