WILLEMSTAD – Manera EXTRA a informá awe mainta e barku di marina ulandes, Zr.Ms. Groningen a logra frustra un otro intento di trafikashon di droga riba laman grandi. No ta konosí e kantidat di droga ni kua droga pero a base di steker riba e barku por determiná si ta kokaina, mariwana òf otro droga. Den e kaso aki e barku di marina ta demonstrá públikamente nan logro di 5 kaptura di transporte di kokaina. Sin duda un indikashon di nan bon trabou riba laman. Ora ta trata kaptura di mariwana ta bin un steker ku un blachi di mariwana riba dje ku un krus. E steker riba e foto aki ta indikashon di kaptura di kokaina. Asina ku bosero di Wardakosta informá e kantidat di droga konfiská awe lo informá EXTRA su lektornan.