WILLEMSTAD.-Sifranan ofisial di gobièrnu di Kòrsou ta mustra ku pa awe djasabra 10 di òktober tin 22 kaso positivo for di un kantidat di 204 tèst ku a realisá. Esaki ta hiba e kantidat di hendenan ku a tèst positivo for di mart te ku awor na 571. Kòrsou tin 262 kaso aktivo di Corona vírus.

Un total di 17 persona a rekuperá pa e fecha aki. Manera indiká tin 22 kaso nobo i di e kantidat aki 12 a liga na kasonan eksistente, ta e sobra 10 personanan infektá e tim di epidemiologia ta buskando e fuente pa medio di e sistema di ‘contact tracing’. Tin 2 persona interná den hospital.