WILLEMSTAD.- E víktima di e aksidente di tráfiko ku a tuma lugá djaweps 29 di òktober 2026 riba Schottegatweg-Noord a keda identifiká komo G.E.C.T, nasé na Colombia.
Alrededor di 07.36’or, sentral di Polis a risibí informashon di e aksidente grave di tráfiko ku a tuma lugá riba Schottegatweg-Noord na altura di warda di polis na Rio Canario.
For di investigashon preliminar a sali na kla ku e outo ku tabata kore riba Schottegatweg-Noord den direkshon di Post 5, pa motibu ku te ainda ta den investigashon, a alkansá e hòmber ku tabata na pia.
E víktima a sufri sla serio na kabes i otro partinan di su kurpa. Dòkter di polis ku a presentá na e sitio, a konstatá morto di e hòmber.