GGD no ta duna papel pa proba ku hende a kaba ku karentena

WILLEMSTAD.-Outoridatnan di salubridat a haña 60 tèst di Covid i di e total aki 10 ta positivo. 3 di e kasonan aki te relashoná ku kasonan anterior miéntras ku 7 di e kasonan ta deskonosí. Dr.Gerstenbluth a bisa ku importante den esaki ta pa detektá, isolá i hasi ‘contact tracing’ mas lihé posibel i hasi tur loke ta nesesario pa sòru pa e vírus no sigui plama. Kòrsou tin 88 kaso for di mart di kua 48 kaso aktivo i 35 a rekuperá. Algu notabel ta ku tin mas transmishon lokal, sigur den famianan na den seno di kas, p’esei ta hasi un apelashon pa no tene fiestanan na kas.

Mas aleu dr. Gerstenbluth a splika e definishon di kluster. Un kluster ta konsistí di por lo ménos 3x persona òf mas ku ta relatá na mesun kaso. Tin 3 pa 4 kluster di 3 òf mas kaso anto sobra tin kasonan ku ta konsistí di un hende so òf un pareha. Ta sòru pa e malesa no a sigui plama.

Na prome lugá ta wak e hendenan ku tabatin kontakto estrecho, íntimo i hopi frekuente ku e persona enkuestion.  Den karentena no ta nifika ku nan ta malu, kasi na final lo bolbe tèst i si no tin nada e hende por sigui ku su bida.

Dunadónan di  trabou ta pone tur hende bai kas asina ku tende ku hende tabata den kontakto ku un hende ku a tèst positivo. Gerstenbluth a pidi pa no yama GGD pa tuma resultado di tèst, ta solamente doño di kurpa por yama GGD i pidi resultado di tèst. Meskos no ta na nesesario pa eksigí un papeladó GGD pa demostrá ku e hende no tin Covid. El a pidi pa tene kabes friu. E rekomendashon ta pa mas tantu posibel hasi uso di tapa boka. Si den un área chikitu ku no por tene distansia anto ta hopi nesesario pa usa tapa boka. Mas detaye den edishon di EXTRA.