1000 karchi pa djaweps

WILLEMSTAD.- Djadumingu awor, 11 di ougùstùs 2019, Fundashon Bon Intenshon huntu ku Distribier ta organisá un evento riba e parkeerplaats di Sambil, kaminda lo parti 1000 karchi pa e konsierto di djaweps, 29 di ougùstùs di Curaçao North Sea Jazz 2019.

Na kompra di un 6-pack spesial di Heineken na balor di 15 florin lo bo haña un karchi grátis pa e konsierto di djaweps, 29 di ougùstùs di Curaçao North Sea Jazz 2019.

Pa kada 6-pack bendí, Distribier lo hasi un donashon di 5 florin na Muziekschool Emmastad. Fundashon Bon Intenshon i Distribier ta invitá tur abitante di Kòrsou pa pasa djadumingu awor entre 12’or di merdia pa 2’or di atardi pa kumpra bo Heineken 6-pack spesial.

E Heineken 6-pack spesial lo ta optenibel solamente unu (1) pa persona mayor di 18 aña, segun  tin den stòk. Ta posibel pa paga kèsh òf ku karchi di banko. Porta di parkeerplaats di Sambil lo ta habrí for di 5’or di mainta. E evento aki ta posibel danki na Heineken.

SHARE

LEAVE A REPLY