W’STAD/KRALENDIJK. - Ayera den oranan di mardugá Wardakosta a topa ku un go-fast den bisindario di awanan di Boneiru i esaki tabata motibu ku personal di Wardakosta ku tabata riba e Barku Zr.sm Holland a duna e go-fast instrukshon pa para i aki a tene un kontròl rutinario.

Durante di e kontròl a topa ku mas di mil kilo di kokaina i mesora a hasi detenshon di e 5 personanan ku tabata abordo. Ta trata aki di 5 hòmber latino.

Den oranan di atardi Wardakosta a logra yega na kosta di Boneiru kaminda nan a entregá e droga i tambe e detenidonan na KPCN. Mesora KPCN a pisa e droga i a kima esaki. Imágennan kortesia di live99fm Boneiru.