Si kantidat kasonan sigui mester tuma otro medida

WILLEMSTAD.-Den un relato ekstraordinario dr. Izzy Gerstenbluth a informá komunidat ku awe so 105 persona a tèst positivo pa Corona vírus. Esaki ta un record di e kantidat di un dia.

Gerstenbluth a duna di konosé ku si e kantidat di kasonan sigui asin’aki anto lo mester tuma otro medida mas estrikto. E situashon aki ta bai pone preshon riba e sistema di salubridat i sigur den hospital.

Tin 10 hende hospitalisá i tin 869 kaso aktivo. Solamente 17 hende a rekuperá.

Premier Rhuggenaath na e okashon aki a bisa ku dos siman pasa a anunsiá algun medida ku e perspektiva pa Kòrsou tin un fin di aña mas normal, pero mester konstatá ku nos no ta logrando. Nos komportashon ta robes.