WILLEMSTAD.- Wardakosta ta informá ku djadumingu mèrdia un patruya riba un boto ‘Metal Shark’ a para un boto sospechoso na altura di Sta.Barbara. Riba e boto a topa ku 11 persona indokumentá di kua 6 ta hende hòmber i 5 ta hende muhé. Wardakosta a entrega tantu e 11 personanan aki komo e kapitan di e boto na polis pa mas investigashon.

Wardakosta a anunsiá ku a intensifiká patruyahe riba laman konsiderando e kantidat di hendenan indokumentá ku ta trata na drenta nos pais di forma ilegal. Sinembargo nan ta sigui purba. Mientrastantu e trabounan ta tumando lugá òf mihó bisá e estudio i deliberashonnan pa amplia e kapasidat pa warda e hendenan aki te na momentu ku por haña espasio riba un avion pa manda nan bek.