WILLEMSTAD.- Federashon di Atletismo ku 7 nominado i sòftbòl ku 5, ta e federashonnan ku mas tantu nominashon pa e premiashon di Deportista- i dirigentenan di Aña 2016.

FDOK a duna e lista di nominadonan pa e anochi di premiashon, kual lo tuma lugá riba djadumingu promé di febrüari benidero na Margorie’s Party Place, na Perúweg.

E tradishonal premiashon di figuranan deportivo mas sobresaliente di aña un biaha mas lo reuní esnan mas destaká den deporte durante di e aña anterior. Tambe lo tin entrega di e premio máksimo, Kopa Bèto Adriana, ku lo ta un disputa entre e respektivo ganadónan di Deportista Senior maskulino i femenino i Deportista Hubenil maskulino i femenino. Mas aleu, tur atleta ku a destaká den nan respektivo kategoria i a keda presentá pa nan federashon, lo risibí un medaya di rekonosimentu.

Athunto e lista di nominadonan