WILLEMSTAD.-Gobièrnu di Kòrsou ta informá ku pa awe djadumingu13 di sèptèmber tin 12 kaso nobo di hendenan ku a tèst positivo pa Corona. Dies di e kasonan ta liga na kasonan eksistente i dos kaso su fuente no ta konosí ainda. Tin un kaso ku a rekuperá i asina ta trese e sifranan ofisial na 157 kaso total for di mart te awor aki di kua 99 ta aktivo. Un total di 57 persona a rekuperá di COvid-19 na Kòrsou.

E rekomendashon dramátiko ta keda na kada siudadano pa kuida su mes i esnan rondó di dje. Evitá aglomerashon, tene distansia for di otro speshalmente den supermerkado òf otro sitionan unda tin hopi hende.