WILLEMSTAD – Un bunita kantidat di turtuga ku ta menasa pa ekstinshon a haña kaminda pa laman aki na Kòrsou den último dianan. Un kantidat di 126 turtuga karèt ku ta protehá i ku yudansa di boluntarionan di Sea Turtle Conservation Curaçao a sobrebibí 60 dia den nèshi pa awor sali bai den nos laman. E momentu inolvidabel aki a keda presensia pa hopi turista ku tabata e momentu ei na Blue Bay i naturalmente tambe esnan ku tin interes pa protehá e turtuganan aki. Esnan ku a nanse aki na Kòrsou ta solamente 25 mil di nan a sobra na Mundu den bida tropikal. Lokual a hasi esaki mas úniko ta ku e salida di nèshi pa bai laman a transkurí durante dia, algu ku no ta tuma lugá hopi. Sea Turtle Conservation Curaçao a kuida e nèshinan di e turtuga nan aki durante 60 dia ku tabata nèt den e área turístiko di Blue Bay.