WILLEMSTAD.- Di akuerdo ku e informashonnan suministrá dor di e tim di krísis pa loke ta e pandemia di COVID-19, ayera a registrá un kantidat di 13 kaso positivo, miéntras ku 24 persona a sali for di isolashon. Di e kasonan nobo sigur 5 ta kasonan importá. Despues di mas investigashon a resultá ku tin un (1) kaso ku tabata registrá komo positivo inkorektamente, pero a hasi e adaptashonnan nesesario den e sifranan. Pa loke ta e situashon na CMC, te ku ayera mainta tabatin kuater (4) hende hospitalisá i tur kuater ta den unidat di kuido intensivo. Un (1) pashènt den kuido intensivo ta di St. Maarten. Ne momentunan aki tin un total di 95 kaso aktivo, miéntras ku e kantidat di fayesidonan a yega 179.