WILLEMSTAD.- E sifranan ofisial pa loke ta trata e kantidat di hende infektá ku Corona vírus ta mustra ku pa e fecha di awe tin 60 kaso di hendenan ku a tèst positivo. Na otro banda tin 9 hende ku a rekuperá. E kantidat di kasonan aktivo a yega 640 miéntras ku tin 13 pashènt hospitalisá ku Corona vírus.

Di e 60 kasonan nobo ku a detektá, un total di 15 ta liga na kasonan eksistente i pa e sobra 45 kasonan e tim mester kaba di determiná e orígen pa medio di ‘contact tracing’. Tin un persona ku tabata hospitalisá ku entretantu por a bai kas i un persona a sali for di kuido intensivo. Seis persona nobo a keda interná di kua unu a drenta kuido intensivo pa yega na e total di 13 persona interná den hospital relashoná ku Covid-19.