WILLEMSTAD.- Finalmente 16 agrupashon polítiko ta pasa pa e pre-elekshon ku lo tuma lugá dia 30 i 31 di yanüari próksimo.
Konseho Supremo Elektoral ta splika ku dia 21 di yanüari 2021, 24 agrupashon polítiko a entregá lista di kandidato pa partisipashon na Elekshon di Staten ku ta tuma lugá 19 di mart 2021. Pa 16 lista di kandidato ta konta e eksigensia di sosten di 789 votadó.
Ta trata aki di e siguiente lista di kandidato ku e numerashon korespondiente di e listanan: 1: Maneho, Aserta, Visibel I Sigur (Mavis), 2: Partido Un Kòrsou Nobo; 3: Trabou Pa Kòrsou; 4: Un Kambio Pa Kòrsou; 5: Partido Bienestar Kòrsou; 6: Klaridad Akshon Soshal (Kas); 7: Awor Ta Basta; 8: Kòrsou Un Munisipio Hulandes Nobo (Kumun); 9: Union I Progreso; 10: Kòrsou Esun Mihó (Kem); 11: Partido Aliansa Nobo (PAN); 12: Partido Nashonal Di Pueblo (PNP); 13: Movementu Kousa Promé; 14: Movemento Un Pueblo Pa Progreso; 15: Partido Democraat (Dp); 16: Kòrsou Vishonario (VISHON).
E numerashon di e listanan di kandidato pa sostenementu di lista a keda determiná dia 22 di yanüari 2021 dor di lòt, kaminda representante di e agrupashonnan polítiko a mira e proseso. E numerashon ta determiná e sekuensia ku e listanan ta aparesé riba e “ondersteuningbiljet”.
Dia 22 di yanüari 2021, e persona ku a entregá e lista di Partido Kooperativista Patriótiko a notifiká Konseho Supremo Elektoral ku e partido korespondiente no por partisipá mas na Sostenementu di Lista.
Sostenementu di Lista ta tuma lugá 30 i 31 di yanüari 2021, di 8or di mainta pa 8or di anochi. Por duna sosten na un di e siguiente urnanan. Kolegio San Hose Barber 8- Barber; Kolegio Annie Koenraad Kaya Tera Cora- Tera Cora; Atanacio Emilo Goiloschool St. Michielsweg 14C – Juliandorp; Sentro di Bario Sta. Maria Seru Fortunaweg z/n - Sta. Maria; St. Antonius College Seru Fortunaweg 3 - Sta. Maria; Kolegio Sta. Famia Mgr. Nieuwindstraat. 25 – Otrobanda; Glorieux College Vondelstraat 36 – Brievengat; J.W.Th. Schotborghschool Tumbastraat 40 - Koraal Specht; Sentro Bario Bonam Ronde Klipweg z/n – Bonam;
Maris Stella VSBO Montaña di Rei 11 – Montaña; Sentro Detenshon i Korekshon Kaya Shèrs 182 – SDKK.
Na e lokalidat di: St. Antonius College (Sta. Maria), Glorieux College (Brievengat) en Maris Stella VSBO (Montaña) tin 2 urna pa sostené. E otro lokalidatnan tin 1 urna.