WILLEMSTAD.- E kantidat di kasonan positivo nobo di Covid-19 pa e fecha di awe ta 101, asina e informe ofisial ta indiká. E sifra di kasonan positivo te awor a yega 2258. Un kantidat di 9 persona a rekuperá. Di otro banda e informe ta indiká ku tin 16 hende hospitalisá. Di e 101 kasonan positivo nobo 21 ta kasonan liga na kasonan eksistente i e sobrá 80 kaso no a logra identifiká e orígen ainda. Sinku persona a keda hospitalisá , 3 ku tabata den hospital por a bai kas awe. Tin un persona den kuido intensivo i unu mas a drenta kuido intensivo di hospital.

Tin un persona ku sa ku a sali for di kuido intensivo, pero e ta hospitalisá ainda. Tin 16 hende hospitalisá di kua 4 ta den kuido intensivo.