WILLEMSTAD.- Un grupo di indokumentado no por a regresá Venezuela ku buelo di repatriashon debí ku nan ta positivo na e vírus di Corona. Pero esaki no a kita afó ku un grupo grandi si a keda poné riba avion rumbo pa Venezuela, despues ku nan a drenta nos pais di forma ilegal ku lancha.

Djamars promé di desèmber 2020 alrededor di 5 or di atardi, 45 persona indokumentá ku pa algun siman tabata permanesé den baraknan na S.D.K.K., a regresá Venezuela riba un buelo di repatriashon.

Aparte di e 45 hòmber i muhénan aki, tabatin 82 persona mas di nashonalidat venezolano, ku a hasi uso di e oportunidat pa bolbe nan pais di orígen riba e buelo aki.

Lamentablemente un grupo 16 indokumentado mas ku tambe ta será den barak, no por tabata riba e buelo di djamars último, debí ku esakinan a tèst positivo pa COVID-19.

Entre tantu nan ta den isolashon na barak i lo wòrdu poné riba e próksimo buelo di

repatriashon pa Venezuela.