WILLEMSTAD.- Bispu di Aña Nobo e barku di marina Zr.Ms. Van Speijk a logra interseptá 1600 kilo di kokaina. E droga tabata skondí abordo di un barku ku bandera di Tanzania ku tabata rumbo Repúblika Dominikana. Esaki tabata e di konfiskashon di droga ku a tuma lugá den dos siman. Riba 22 di desèmber e mesun barku di marina a para un go-fast ku tabata 550 kilo di kokaina abordo.

E helikòpter NH-() a deskubrí e barku sospechoso. Esaki a pone ku Zr.Ms. Van Speijk a skondí i vigilá e barku durante di anochi, pa den dia e team di Wardakosta merikano a subi abordo. For di e momento ei e barku sospechoso a keda profundamente kontrolá. Despues ku e promé búskeda no a duna resultado, den deliberashon ku outoridatnan a disidí pa kontinuá ku e búskeda na Santo Domingo. Riba bispu di Aña Nobo e team a haña bultonan di kokaina ku tabata skondí den un espasio mei mei di tankinan di oksígeno. E barku, e droga i e tripulashon a keda traspasá pa outoridatnan dominikano.