WILLEMSTAD.-E sifranan ofisial ta disponibel pa loke ta trata tèstnan di Covid-19. For di un total di 664 tèst tin 121 kaso positivo nobo. E kantidat di hendenan ku a rekuperá ta 36. Di e 212 kasonan nobo solamente 17 ta relatá na kasonan eksistente i pa loke ta trata e sobra 104 kasonan positivo e tim di epidemiologia ta hasiendo trabounan di ‘contact tracing’ pa buska e fuente di kontagio.

4 persona mas a keda hospitalisá, miéntras ku 3 ku tabata hospitalisá a bai kas i esei ta hiba e total di hendenan hospitalisá na 13 di kua 2 ta den kuido intensivo.