WILLEMSTAD.-E informashon ofisial di parti di gobièrnu di Kòrsou ta mustra ku for di 121 tèst ku a hasi a resultá ku tin 17 kaso di hendenan ku a tèst positivo ku Covid-19. Esei a hiba e total di hendenan ku a tèst positivo na 549. Di e 17 kasonan nobo unu ta kaso importá, miéntras ku 8 ta liga na kasonan eksistente i pa e sobra 8 kasonan e tim ta hasiendo e trabou di ‘contact tracing’ nesesario.

Tin 10 hende ku a rekuperá i na e momentunan aki tin 2 hende hospitalisá. Total for di mart te awor un kantidat di 14 hende a keda hospitalisá pa Covid. Pa e fecha aki tin 257 kaso aktivo di Corona vírus na Kòrsou.