WILLEMSTAD – Informashon ku EXTRA a risibí ta indiká ku awe un kantidat di 18 ilegal venezolano lo keda repatriá bek pa nan pais. Den oranan tempran di awe mainta tabatin un konvoi kompaña vários outo di polis rumbo pa aeropuerto Hato. EXTRA a komprondé ku lo mester tin un avion charter for di Venezuela ku vários residente di Kòrsou yegando bek awe i a probechá mesora pa manda e 18 ilegalnan aki bek Venezuela. E avion ta programa pa baha aki na Kòrsou alrededor di 10or di mainta si tur kos bai segun plan. Ora ku a pensa ku ta haña un alivio ku espasio, ayera nochi outoridatnan a bolbe detené un grupo grandi ku kier a drenta Kòrsou. Den edishon di EXTRA di mayan lo tin mas detaye.