WILLEMSTAD.-E informe ofisial di gobièrnu di Kòrsou pa loke ta trata e kantidat di kasonan di Covid ta indiká ku pa e fecha aki tin 18 kaso positivo nobo pa asina pone e total na 429, kontando for di mart te ku awor aki. Aktualmente tin 1 persona hospitalisá ku Covid ku ta hiba e total di esnan ku a keda hospitalisá na 10. E kantidat di kasonan aktivo ta 215. Tin 16 kaso ku a rekuperá awe.

Tin hopi hende ta tene nan mes na regla i distansia i tambe higiena. Esaki ta esensial pa asina kada hende kuida nan mes i kuida esnan rondó di nan, prinsipalmente hendenan di edat avansá òf otronan ku ta den grupo di riesgo.