WILLEMSTAD.-E informashon ofisial di direktorado di informashon di gobièrnu di Kòrsou ta informá ku awe tin 18 kaso nobo di hendenan ku a tèst positivo pa Covid-19.

E informe ta indiká ku di e 18 kasonan nobo aki, 13 ta kasonan ku ta liga na kasonan eksistente i sinku su fuente no ta konosé ainda. E tim di epidemiologia ta sigui ku nan trabounan di ‘contact tracing. Tin nuebe kaso ku tabata positivo i ku entretantu a rekuperá. Tur e dos personanan ku tabata interná den hospital a bai kas.

Esaki ta trese  sifranan ofisial pa Kòrsou na 228 kaso aktivo kontando for di mart, 144 aktivo awor aki i 83 ku a rekuperá.