WILLEMSTAD.- Un biaha mas otro detenido(nan) a tèst positivo pa Covid-19. Ta trata aki di dos detenido hende hòmber ku tabata será na e sèlnan na Barber.

Manera a konosí resientemente tabatin un prezu ku a bira malu i despues a resultá ku e tabatin e vírus aki. Despues su kompañero di sèl tambe a tèst positivo.

Awor dos detenido mas a tèst positivo.

E informashon a keda konfirmá pa bosero di Kuerpo Polisial Imro Zwerwer.

No ta konosí si e dos detenidonan aki tabatin kontakto ku e dos nan anterior òf ku ta di pafó nan a bini ku e vírus mirando ku ta resientemente nan a keda detené.

Manera a konstatá e dos kasonan aki, a transportá e detenidonan pa barak di polis na SDKK kaminda nan a keda isolá den sèlnan separá. Awor ta pendiente pa bai wak si tabatin otro detenido ku lo por tabata den kontakto ku e dos detenidonan ku a tèst positivo.