WILLEMSTAD – Awe un ratu pasa, Gobièrnu di Kòrsou a suministrá e último sifranan pa ku e proseso di bakunashon ku ta tumando lugá. Manera ta konosí ofisialmente e proseso di bakunashon a kuminsá dia 24 di febrüari i te ku awe mainta un total di 20.457 persona a bakuna. Di esakinan 7.680 ya a risibí e di dos bakuna.  Entrante djasabra último a amplia e kapasidat pa mas hende por bakuná na Sambil. E demanda ta sigui haltu i a kuminsá habri e oportunidat pa mas hende por bakuna tambe. Aktualmente tin 32.240 persona ku a pidi pa sita kaba. E demanda ta sigui haltu pero e meta ta pa akapará kada un persona ku ta deseá di keda bakuna. E meta ta pa e promesa di un futuro briante bira nos realidat. Subi www.bakuna.cw pa mas informashon.