Sra. Silvia Prince Mercera (Botanical Scents òf Nature)

Nos ta na final di 2024, i ta bai yama bon biní na 2025. I un biaha mas nos tin sra Silvia Prince Mercera di Botanical Scents òf Nature ta splika kon aña a bai i kiko por spera den e aña ku ta bini, kua sensia, kua awa por usa pa laba kas i ki kolo nos tin di pone atenshon riba dje. I e aña aki ta bira un aña grandi pa Botanical Scents òf Nature na momentu ku nan ta kumpli 25 aña.

Energia positivo

Sra. Silvia ta konta ku 2024 a kuminsá ku hopi alegria, hopi fiesta riba otro, pero durante di e aña, e ambiente a bira mas trankil. Segun e, e aña por a bai mihó. Ku e transishon di 2024 pa 2025 ta aserká, sra. Silvia ta duna konseho pa kuminsá e aña nobo ku un energia positivo. Pa kuminsá 2025 ku bon energia, e ta rekomendá pa purba di sensia bo kas i bo mes. El a bisa ku sensiamentu ta un forma pa kita tur ambiente ménos agradabel for di bo i atraé bon energia. E ta konsehá pa hasi uso di e sensia Amber, ku ta purifiká i duna huma, sigui pa Benzu, i finalmente usa sensianan pa habri e energia di e aña nobo. Pa habri 2025 ku energia yen di prosperidat, sra. Silvia ta rekomendá pa tambe usa e sensia "Abre Camino" ku Mira di Copal. Esaki ta yuda pa aklará bo mente I krea un futuro mas mihó. E ta agregá ku 2025 ta bai ta un aña di prosperidat i desaroyo, pero ta importante pa traha riba e meta aki.

Oro plata i blanku

Sensia por trese prosperidat i klaridat spiritual, pero ta importante pa tene kuenta ku tur e aspektonan ku ta kontribuí na e proseso. Sra. Silvia ta rekomendá pa habri 2025 ku energia yen di lus i positivismo, bo tin ku selebrá ku elementonan spesífiko i tradishonal. Un di e konsehonan di sra. Silvia ta ku bo mester pone énfasis riba e kolonan ku bo ta bisti. Oro, plata i blanku ta kolonan ku bria i ta reflehá prosperidat i iluminashon. E kolonan aki no ta solamente simbóliko, pero nan ta yuda atraé energia positivo pa bo aña. Adishonalmente, buta hopi bela pa lusi bo kas i bo mes ta un manera pa simplifiká e iluminashon ku bo ke pa bo mente i bo hogar.

Sensia bon

Sra. Silvia ta splika ku e proseso di limpiesa di kas mester kuminsá den atardi, spesífikamente di dilanti pa patras, pa sigurá ku tur energia malu ta bai afó. Durante di limpiesa, amoniak ta bon pa usa siguí pa sensianan manera Amber, Benzu, òf Sage pa limpiesa spiritual. E ora pa sensia ku Sage ta mèrdia, pa e tin un efekto mas fuerte. Ora bo kaba ku e limpiesa, bo por krea un ‘cocktail’ di sensia ku ta konsistí di 7 sorto di karbon. Mandarina i Rosa ta esun nan popular. Esnan ku ta preferá algu otro por usa zeta puru di “Escentials”. Sra. Silvia ta indiká ku Botanical Scents of Nature tin awanan spesial, ku tin dos funshon: limpiesa i atrakshon di prosperidat. E produktonan ta trahá na man i bo por konfia den e kalidat. Ta esensial pa ora ku bo sensiá bo kas, bo kana di dilanti bai patras, simbolisando progreso i moveshon positivo. E rekomendashonnan aki ta fundamental pa un aña  yen di bendishon i éksito.

Awa pa laba kas i baña

Banda di sensia, awa pa laba kas i baña, Botanical Scents of Nature ta ofresé un variedat di produkto ku ta kontribuí na bienestar i prosperidat. Sra. Silvia ta menshoná ku un di e kosnan prinsipal ta belanan ku fragansia dushi. Esaki no solamente ta duna un dushi holó den bo kas, pero tambe ta trese un ambiente di harmonia i abundansia. Ademas di esaki, Botanical ta ofresé un kolekshon di piedranan spiritual ku por usa pa krese personalmente.  Ku e piedranan aki, nan ta traha kadenanan na man, na e midí i preferensia di e kliente. Sra. Silvia ta rekomendá e uso di un “Waterval,” ku ta simbolisá limpiesa i fluktuashon di energia. Pa e uso di sensia, Botanical tin tambe asesorionan spesialisá, manera baki pa pone bo sensia aden. E fragansianan di palito, ku tabata un gran éksito den e aña.

Despoho

Pa laba bo mes i prepará pa fin di aña, sra. Silvia ta rekomendá e uso di Despoho, ku ta enserá florida, blous, i kanfer ku ta ideal pa baña. E baño ku Despoho ta importante pa limpiesa spiritual i pa un un aña nobo. Hopi hende ta bai laman komo parti di tradishon, pero tambe bo por hasi un baño ku Despoho na kas. Sra. Silvia ta konsehá pa hasi esaki promé ku e tiru di 12 or pa kuminsá e aña na un manera positivo. Kada persona ta buska loke ta mas mihó pa nan. Ademas, Botanical Scents of Nature ta ofresé Wowo Blou (Turkish Blue), ku ta sirbi komo protekshon pa bo outo i kas. E protekshon aki ta popular pa usa den outo. I pa porta di bo kas, tin un variashon.

Orarionan Spesial di Fiesta
Botanical Scents of Nature ta habri di 8or di mainta te 5or di atardi riba dianan normal.

Den dianan spesial di fiesta:
Ta keda habri te 7or di atardi non-stop.

29 di desèmber: di 9or di mainta te 5’or di atardi.

31 di desèmber: di 8or di mainta te 6’or di atardi.

Bo por hasi bo pedidonan via WhatsApp òf telefòn na 738-6187 te dia 29 di desèmber. Pa kualke pregunta òf klarifikashon, por pasa i tira un bista.

Un Mensahe Positivo pa Fin di Aña

Sra. Silvia ta finalisá ku e mensahe pa bai trankil den e luna di desèmber, pa bo sera e aña ku pas i harmonia. Habri bo mente pa kosnan nobo i traha riba bo prosperidat. Duna amor na bo mes i na otro, paso esaki lo yuda bo logra tur loke bo meresé. Bai dilanti den 2025 ku determinashon i un spiritu positivo yen di sabiduria.