WILLEMSTAD.- den oranan di mardugá, un total di 2 morto i 6 herido a keda registrá despues di persekushon na Kaya Mitologia, St. Joris.
E aksidente serio aki a tuma lugá den área di St.Joris despues ku un patruya a tuma nota di 8 hende den un SUV. Un dado momento e patruya a tuma nota ku nan a aktua di forma sospechoso, loke a pone ku e unidat a bai pa pidi e SUV pa para. Pero den e área di St. Joris e SUV aki a dal den un kura di misa kual a pone ku 2 persona latino, probablemente venezolano a muri mesora i alrededor di 6 otro latino a keda transportá pa poliklínika pa tratamentu médiko. Unu di nan su situashon ta grave.

Durante un búskeda den e vehíkulo ku a aksidentá polisnan a topa ku vários paña muha, maleta, pero tambe droga i 23 arma di kandela ku e venezolano nan aki tabata tin den nan poder. Esaki ta demostrá un biaha mas, ku un di e maneranan ku armanan poderoso ta drenta nos komunidat ta via di lanchanan.

Investigashon ta kontinuá den e kaso aki.