Update:

ORANJESTAD.- Aruba a registrá un total di 5 kaso nobo di hendenan infektá ku Corona vírus. Di e 5 kasonan aki 3 ta residente i 2 no ta residente. E total di kasonan aktivo awor aki ta 517. E total di hendenan ku a tèst positivo ta 4079 i 3532  rekuperá. Aruba tin un kantidat di 30 persona kua muri komo konsekuensia di Covid-19.

Na Boneiru e sifranan ofisial ku gobièrnu a emití ta indiká ku tin 57 kaso aktivo i tin 54 hende ku a rekuperá, miéntras ku tin 2 persona hospitalisá. Tin 113 kaso positivo i un total di 263 persona den karentena i 2 hende ku a muri komo konsekuensia di Covid.

23 kaso nobo di Covid awe djadumingu

WILLEMSTAD.-Pa awe djadumingu tin 23 kaso nobo di hendenan ku a tèst positivo ku Covid-19. Esaki ta for di un kantidat di 155 tèst ku a hasi. Esaki ta hiba e total di hendenan positivo for di mart te awor na 452. 18 hende a rekuperá awe. E informe ta sigui bisa ku tin dos kaso interná den hospital  i 220 kaso aktivo.

Di e 23 kasonan di awe tin tres kaso importá, 12 ta ligá na kasonan eksistente i 8 kaso su fuente no ta konosí ainda. Di e kasonan interná den CMC unu ta un pashènt lokal i e otro ta unu di Boneiru.

Mihó manera pa kuida ta tene distansia, tene reglanan di higiena i usa tapa boka na momentu ku ta kana riba kaya òf drenta den lugá ku otro hende.