Pashènt ku a fayesé ta konta pa sifranan di Boneiru

WILLEMSTAD.-E informe ofisial di gobièrnu di Kòrsou pa loke ta trata kantidat di kasonan di Covid ta indiká ku pa e fecha aki tin 26 kaso nobo di hendenan infektá ku Corona vírus. Esaki ta for di un total di 175 tèst ku a hasi. 8 di e 26 kasonan nobo ta liga na kasonan eksistente i di e sobrá 18 kasonan si e fuente no ta konosí. E 26 kasonan positivo nobo aki ta hiba e total di hendenan ku a tèst positivo na 646 te awor. Tin un kantidat di 24 hende ku a rekuperá i un persona hospitalisá. E total di kasonan aktivo na Kòrsou ta 277. E informe ofisial ta indiká ku e kantidat di morto relatá na Covid na Kòrsou ta 1. E informe ta spesifiká ku e pashènt di Boneiru ku tabata interná den CMC a fayesé. Esaki ta konta pa e sifranan di Boneiru.