WILLEMSTAD.- Djaweps 27 di yüli 2017, personal di HITeam konhuntamente ku personal di Tim di Mantenshon di órden Públiko Rio Canario i Ministerio Públiko a tene kòntròl di tráfiko riba Dominico “Don” Martina BLVD.

Ministerio Públiko tabata atendé ku personanan ku tabatin debe di but atrasá.

E kòntròlnan aki a tuma lugá entre 09.15 or di mainta á pa 12.00 or di mèrdia.

Polis a kontrolá un total di 311 vehíkulo i a partí un total di 100 prosèsverbal pa e siguiente infrakshonnan:

 Manehá un vehíkulo sin faha di seguridat 26

 Manehá un vehíkulo sin reibeweis bálido 19

 Manehá un vehíkulo sin karchi di kùr/kaduká 6

 Manehá un vehíkulo sin seguro bálido 15

 Manehá un vehíkulo sin plachi number dilanti 15

 Manehá un vehíkulo sin number pagá  8

 Okupante sintá dilanti no tin faha di seguridat bistí  4

 Bentana di e vehíkulo di plak skur  4

 Shofùr ta papia na telefòn durante ku e ta manehá un vehíkulo  3

Durante di e kòntròl aki polis a konfiská 7 vehíkulo, kual nan a keda transportá ku kran pa Kurá.

Un total di 27 persona ku tabatin debe di but atrasá mester a paga i/òf a drenta areglo di pago.

E kòntròlnan ta kontinuá.