28 aña kastigu pa Jamaloodin

Palasio di Hustisia

Morto di Helmin Wiels ta asesinato polítiko

WILLEMSTAD.- Korte den prome instansia a dikta sentensia den e kaso ku ta karga e nòmber Maximus. Ta trata di e kaso den kua Ministerio Públiko a presentá e sospechoso intelektual pa loke ta trata e asesinato di Helmin Wiels. Dia 10 di yüni último korte a trata e kaso i e momentu ei fiskal a hasi un demanda di 30 aña di kastigu pa Jamaloodin.

Wes lesando e veredikto a dikta ku Jamaloodin ta haña libertat (vrijspraak) pa e kaso Passaat. Esei ta e kaso ku a akusá Jamaloodin di a kambia fecha deliberadamente pa asina benefisiá su famia relashoná k e Inkeerregeling.

Wes a dikta tambe ku no por proba “medeplichting” pero si “uitlokken” de kaso di Jamaloodin no

Ta kondena Jamaloodin pa e “uitlokken” di e morto di Wiels. Pa loke ta trata e kaso Germanium , esta e sentro di bario di Steenrijk ta haña ku Jamaloodin, komo minister a malversá plaka di gobièrnu.  Wes a papia tambe den su veredikto di un asesinato polítiko ku ta algu muchu mas pisa ku kualke otro kaso.

Wes a dikta sentensia di 28 aña di kastigu pa Jorge Jamaloodin pa loke e wes mes a tipifiká komo un asesinato polítiko.

Manera indiká anteriormente korte a trata e kaso durante di algun dia den yüni, pero ta te 26 yüli wes van Lieshout a sera e kaso ofisialmente. EXTRA a tuma nota ku a yega korte awe mèrdia hinter famia, esta ruman i yunan di e defuntu.

E aña aki, dia 5 di mei, a kumpli 6 aña di asesinato di e lider polítiko di Pueblo Soberano. Investigashonnan ta sigui segun ministerio públiko. Tin diferente hende mas ku ta sospechoso den e kaso aki. Mas detaye den edishon di EXTRA.

 

SHARE

LEAVE A REPLY