ORANJESTAD.- Na Aruba e situashon di Covid ta birando alarmante. Pa awe tin 39 hende ku a rekuperá pero den mesun rosea tin 123 kaso nobo di kontagio di kua 7 ta turista i 116 ta residente. E ‘positivity rate’ na Aruba a yega 33%. E kantidat di kasonan aktivo a yega 630 i e kantidat di hendenan ku a muri debí na Covid-19 ta 111.

3 morto mas di Covid

WILLEMSTAD.-E sifranan ofisial di Covid pa awe ta indiká ku e kantidat di kasonan aktivo a baha un poko kompará ku ayera, di 607 pa 548 awe. Den mesun rosea mester indiká ku tin 78 kaso nobo di hendenan kontagiá ku e vírus i tin 21 persona hospitalisá. E loke a hala mas atenshon ta ku pa awe a registrá 3 morto mas. Te ku ayera e kantidat di hendenan ku a muri di Covid tabata 127 i pa awe el a yega 130. Niun di e tres personanan ku a muri no tabata bakuna. Forsa na famianan. Mas detaye den edishon di EXTRA.