WILLEMSTAD.- Ayera atardi polisnan a keda dirigí pa shut despues di a risibí informashon ku lo mester tin algun vehíkulo plumá den e área.

Na nan yegada en bèrdat a topa ku 3 vehíkulo ku a keda hòrta resientemente i malechornan a plumá esakinan, pa despues laga nan bon skondí atras den e mondi.

Ta trata di un Kia Rio kolo shinishi skur, un Kia Sportage kolo maron i tambe un Hyundai Elantra GT kolo kòrá. Tur 3, malechornan a kita hopi piesa afó.

Ku yudansa di un kran a saka e vehíkulonan for di den e mondi i despues transportá nan pa warda di polis pendiente mas investigashon.