WILLEMSTAD.- Dia 3 yanüari 2017, Ontvanger ta kuminsá ku benta di number di outo. Esaki ta loke ku sr. Alfonso Trona di Ontvanger a duna di konosé na EXTRA. Normalmente Ontvanger sa duna outomobilistanan chèns pa kuminsá kumpra nan number di outo, den e kaso aki e steker for di den luna di desèmber.

Sr. Trona a bisa ku segun lei mester bende e number kada komienso di e aña koriente. E biaha aki ta 3 yanüari ta kuminsá. E ta spera ku e komportashon di kumpli ku deber di pago di number outo lo ta un tiki mas bon ku 2016. Pasobra kompará ku 2015, 2016 e outomobilista tabata un tiki mas responsabel na paga su number di outo. Den kurso di dianan aki, sr. Trona a bisa di lo saka aviso riba benta di number di outo.