Hospital, aeropuerto i algun bario a kuminsá haña koriente

WILLEMSTAD.-Despues di un ‘blackout’ total awe mainta debí na fluktuashon di vòltahe den ekiponan di Aqualectra, na e momentunan aki Aqualectra ta poniendo mashinnan poko poko riba ret. Ya kaba hospital i aeropuerto ku tin prioridat tin koriente kaba i meskos a kuminsá duna algun otro bario koriente bek, asina direktor Darick Jonis a deklará den e di dos enkuentro ku prensa pa awe.

E direktor a sigui bisa ku ya kaba a logra restablesé e ret di 66 mil i esun di 30 mil vòlt. Komo konsekuensia di esei entre 30-32% di Korsou tin koriente bek. Aqualectra ta masha start mashinnan di forma gradualmente. E orígen di e problema ta algu ku ketu bai e téknikonan ta monitor pasobra mester wak pa e no ripití.

Ta kalkulá ku ta bai dura entre 2 pa 4 ora mas prome ku tur bario tin koriente, sinembargo e ta keda kouteloso pasobra ounke nan ta monitor e situashon tur kos por sosodé pasobra ta trahando ku mashin. E barionan ku a haña koriente kaba e.o ta Montaña, Zegu i algun parti di Sta.Maria i unu mas. Mas detaye den edishon di EXTRA.